रजिनको गाेलमा थ्री स्टारलाई १–० को अग्रता

काठमाडौं । सहिद स्मारक ए डिभिजन लिग अन्तर्गत जावलाखेलविरुद्वको खेलमा थ्री स्टारले अग्रता बनाएको छ । ललितपुरको सातदोबाटोस्थित एन्फा टेक्निकल सेन्टरमा भएको खेलको दोस्रो हाफमा रजिन धिमालको पेनाल्टीमा ललितपुरे क्लबले अग्रता बनाएको हो ।

कुल्दिप कार्कीको हेन्ड बलमा थ्री स्टारले ५० औ मिनेटमा पेनाल्टीको अवसर पाएको थियो । जसमा रजिनले गोल गर्न सफल भए । जावलाखेलले पहिलो हाफमा डिफेन्सिभ गेम खेल्दै थ्री स्टारलाई गोल रहित बारबरीमा रोकेको थियो ।

प्रतियोगिताको उपाधि होडमा रहेको थ्री स्टारलाई जित निकाल्दै शीर्ष स्थानको मनाङसंग अंक बराबरी गर्ने अवसर छ । थ्री स्टार जित निकाल्दै शीर्ष स्थानको मनाङमाथि दबाब बढाउन चाहन्छ ।

थ्री स्टार १५ अंक सहित तेस्रो स्थानमा छ । जावलाखेल ४ अंक सहित ११ औ स्थानमा छ ।