काठमाडौं । सहिद स्मारक ए डिभिजन लिग अन्तर्गत थ्री स्टारले पहिलो हाफमा जावलाखेल युथ क्लबसंग गोल रहित बराबरी खेलेको छ । ललितपुरको सातदोबाटोस्थित एन्फा टेक्निकल सेन्टरमा भएको खेलमा दुवै टोलीले गोल गर्न सकेका छैनन् ।
जावलाखेलले ६ डिफेन्डर राखेर काउन्टर खेल खेलिरहेको छ । थ्री स्टारले पहिलो हाफमा एउटापनि गतिलो मुभ बनाउन सकेको छैन । प्रतियोगिताको उपाधि होडमा रहेको थ्री स्टारलाई जित निकाल्दै शीर्ष स्थानको मनाङसंग अंक बराबरी गर्ने अवसर छ ।
थ्री स्टार जित निकाल्दै शीर्ष स्थानको मनाङमाथि दबाब बढाउन चाहन्छ । थ्री स्टार १५ अंक सहित तेस्रो स्थानमा छ । जावलाखेल ४ अंक सहित ११ औ स्थानमा छ ।
