सरस्वतीविरुद्व एपीएफलाई २–० को अग्रता

काठमाडौं । सहिद स्मारक ए डिभिजन लिग अन्तर्गत सरस्वती युथ क्लबविरुद्व विभागीय टिम एपीएफले सुरुवाती अग्रता लिएको छ । ललितपुरको सातोदोबाटोस्थित एन्फा टेक्निकल सेन्टरमा पहिलो हाफको खेल सकिदाँ एपीएफले २–० को अग्रता बनाएको हो ।

खेलको १८ औ मिनेटमा एपीएफका रुपबहादुर लामाले गोल गरेका छन् । श्यामकुमार नेपालीको कर्नरमा लामाले हेडमार्फत बललाई पोस्टको दिशा दिएका थिए । सुरुवातबाटै एपीएफले आक्रमक खेल पस्किएको छ । ३० औ मिनेटमा एपीएफका युवराज खड्काको हेड बल पोलमा लागेर बाहिरिएको थियो । 

खेलको ४३ मिनेटमा एपीएफले अग्रता दाेब्बर बनायाे । एपिएफका युवराज लामाले डि बक्स भित्रबाट प्रहार गरेको बलले जाली चुमेकाे थियाे ।

यता २१ औ मिनेटमा सरस्वतीले राम्राे अाक्रमण बुनेकाे थियाे । कप्तान रमेश तामाङको फ्रिकिक एपीएफका गोलकिपर अमृत चौधरीले मुस्किलले बचाएका थिए ।

दुवै टोली सातौ चरणको खेल अन्तर्गत मैदान उत्रिएका हुन् । एपीएफ ७ अंक सहित तालिकाको आठौ स्थानमा छ । सरस्वती ६ अंक सहित नवौ स्थानमा छ ।