काठमाडौं । पाँचौ संस्करणको स्तुपा टु स्तुपा ट्रेल रेस शनिबार आयोजना हुने भएको छ ।
आयोजक मिरा राई इनिसिएटिभसले बिहीबार पत्रकार सम्मेलनको आयोजना गर्दै ट्रेल रेस शनिबार हुने जनाएको छ ।
स्वयम्भुबाट सुरु हुने ट्रेल रेसमा ५४ किलोमिटर र २१ किलोमिटरको इभेन्ट्स समावेश गरिएको छ । स्वयम्भु स्तुपाबाट जामाचो, नागि गुम्बा, कपन हुँदै बौद्ध पुगेर रेस सकिनेछ ।
ट्रेल रेसमा १ सय ६० नेपालीसहित २ सय ५० जनाको सहभागिता रहने आयोजकले जनाएको छ ।
५४ किलोमिटर दौडका विजेताले ४० हजार, दोस्रोले ३० हजार, तेस्रोले २० हजार र चौंथोले ५ हजार रुपैयाँ प्राप्त गर्नेछन् ।
२१ किलोमिटर दौडका विजेताले २५ हजार, दोस्रोले १५ हजार र तेस्रोले १० हजार र पाँचौंले ३ हजार प्राप्त गर्ने छन् ।
