काठमाडौं । पल्सर सहिद स्मारक ’ए’ डिभिजन लिग अन्तर्गत अहिले संकटा र एनआरटी प्रतिस्पर्धा भईरहेको छ । एपीएफको हलचोक मैदानमा पहिलो हाफको खेल सकिदाँ दुवै टोली गोल विहिन छन् ।
खेलको २० औ मिनेटमा संकटाले अग्रता बनाउने मौका गुमाएको थियो । सेड्रिक अबालेले मिलाएको पासमा सुभाष गुरुङको कडा प्रहार पोस्टमा लागेर बाहिरिएको थियो ।
४१ औ मिनेटमा सुभाषको फ्रिकिकमा रवि सिलवालले हेड गोल गरेपनि रेफ्रीले त्यसलाई अफसाईड देखाएका थिए ।
लिगको उपाधि दौडमा देखिएको संकटालाई तालिकामा अझ मजबुद बन्ने अवसर सातौ चरणको खेलमा प्राप्त छ । कारण, उसले तालिकाको पुछारमा रहेको टोली एनआरटीलाई प्रतिद्वन्दीको रुपमा पाएको छ । एनआरटीले प्रतियोगितामा जित दर्ता गर्न सकेको छैन । संकटा १५ अंक सहित तालिकाको तेस्रो स्थान र एक अंक जोडेको एनआरटी तालिकाको पुछारमा छ ।
