इंग्ल्यान्डविरुद्ध सेनेगल : म्याच प्रिभ्यु

काठमाडौं । कतारमा जारी फिफा विश्वकप फुटबलको राउण्ड अफ १६ अन्तर्गत आज आइतबार इंग्ल्यान्ड र सेनेगलबीच प्रतिस्पर्धा हुँदैछ ।

इंग्ल्यान्डले अल बायत स्टेडियममा सेनेगलको सामना गर्नेछ ।  इंग्ल्यान्ड र सेनेगलबीचको खेल राति १२:४५ बजे सुरु हुनेछ ।

इंग्ल्यान्ड आज सेनेगललाई हराएर क्वाटरफाइनलमा पुग्न चाहन्छ । विश्वकपको राउण्ड अफ १६ को ७ खेलमा इंग्ल्यान्ड ५ खेलमा विजयी भएको छ ।

यस्तै अफ्रिकन राष्ट्रविरुद्ध इंग्ल्यान्ड अपराजित रहेको छ ।

यता, सेनेगल पनि इंग्ल्यान्डलाई हराएर क्वाटरफाइनलमा पुग्ने योजनामा रहेको छ । विश्वकपमा युरोपियन राष्ट्रविरुद्ध सेनेगलले ३ खेलमा जित, २ खेलमा हार र एक बराबरी खेलेको छ ।

हेड टु हेड -

दुई टोलीबीच पहिलो पटक प्रतिस्पर्धा हुन लागेको हो । यस अघि दुई टोलीले एक अर्काविरुद्ध खेलेका छैनन् ।

सम्भावित-११

इंग्ल्यान्ड -  जोर्डन पिकफोर्ड, केली वाल्कर, जोन स्टोन्स,  ह्यारी मग्वायर, लुक श, डेक्लान राइस, जुड बेलिङहम, मासन माउन्ट, मार्कस रासफोर्ड, ह्यारी केन,  बुकायो साका

सेनेगल - एडवर्ड मेन्डी, युसुफ साबले, कालिडोउ, कुलिबाली, अब्डोउ डिआलो, इस्माइल, जाकोब्स, पाठे सीस, पापे गुए, पापे सार, इलिमान एनडीए, इस्माइल सार, बोउलाय डिया

प्लेयर्स टु वाच -

यस खेलमा इंग्ल्यान्डका बुकायो साका र सेनेगलका स्माइल सार प्लेयर्स टु वाचमा रहने छन् ।