विश्वकपको नकआउट चरणमा पहिलो पटक एसियाको तीन राष्ट्र

काठमाडौं । फिफा विश्वकप फुटबलको इतिहासमा पहिलो पटक ३ एसियाली राष्ट्रले नकआउट चरणमा स्थान बनाएका छन् ।

शुक्रबार राति दक्षिण कोरियाले नकआउट चरणमा स्थान बनाएसँगै पहिलो पटक तीन एसियाली राष्ट्रले नकआउट चरणमा स्थान सुरक्षित गरेको हो ।

युरोपियन राष्ट्र पोर्चुगललाई २-१ ले हराउँदै दक्षिण कोरियाले नकआउट चरणमा स्थान बनाएको हो ।

यस पटक एसियाबाट दक्षिण कोरियासँगै जापान र अष्ट्रेलियाले नकआउट चरणमा स्थान बनाएको छ ।