पहिलो हाफमा पोल्याण्डको अग्रता

काठमाडौं । कतारमा जारी विश्वकपको जारी रहेको साउदी अरब र पोल्याण्डको खेलमा पहिलो हाफमा पोल्याण्डले अग्रता लिएको छ । 

उसका लागि प्रिटो जिलेस्कीले ३९ औं मिनेटमा गोल गरेका थिए ।

पोल्याण्ड आज पहिलो जितमा खोजीमा हुनेछ । पहिलो खेलमा पोल्याण्ड मेक्सिकोसँग गोलरहित बराबरीमा रोकिएको थियो ।

यता, साउदीले पहिलो खेलमा सनसनीपूर्ण जित निकालेको थियो । साउदीले अर्जेन्टिनालाई २-१ ले हराएको थियो ।

पोल्याण्डविरुद्ध मैदान उत्रदा साउदी अर्को अप्रत्यासित नतिजा निकाल्न चाहन्छ । यस्तै लगातार दोस्रो जित निकाल्दै साउदी नकआउट चरणमा स्थान पक्का गर्ने योजनामा हुनेछ ।

इतिहास हेर्दा साउदीविरुद्ध पोल्याण्ड बलियो छ । हालसम्म दुई टोलीबीच ४ खेलमा प्रतिस्पर्धा भएको छ । सबै खेल पोल्याण्डले जितेको छ । यस खेल दुई टोलीबीचको पाँचौं भेट हो ।