गुल्मीको रुरुमा खुल्ला तथा भेट्रान्स पुरुष ब्याडमिन्टन हुने

काठमाडौं । गुल्मीको रुरुमा खुल्ला पुरुष तथा भेट्रान्स पुरुष डबल ब्याडमिन्टन प्रतियोगिता आयोजना हुने भएको छ ।

रुरु ब्याडमिन्टन क्लबको आयोजनामा हुने प्रतियोगिता कात्तिक २५ र २६ गते आयोजना हुने भएको छ ।

रुरु क्षेत्र खेल मैदान कभर्ड हलमा आयोजना हुने प्रतियोगितामा वरीयता प्राप्त खेलाडीले खेल्ने छैनन् ।

'बी' लेभलको विजेताले ३० हजार, उपविजेताले २० हजार र तेस्रोले १० हजार पाउने छन् ।

भेट्रान्सको विजेताले २० हजार, उपविजेताले १० हजार र तेस्रोले ८ हजार पाउने छन् ।

'सी' लेभलको विजेताले १० हजार, उपविजेताले ८ हजार र तेस्रोले ५ हजार पाउने छन् ।