पोखरा । नवौं राष्ट्रिय फुटबल अन्तर्गत एपीएफ क्लब पुरुष फुटबल प्रतियोगिताको सेमिफाइनलमा प्रवेश गरेको छ ।
गोस्टेघाटमा सोमबार भएको खेलमा बागमती प्रदेशलाई ३-१ गोल अन्तरले पराजित गर्दै एपीएफ सेमिफाइनलमा पुगेको हो । बागमती भने बाहिरिएको छ ।
बागमतीले सुरुआती अग्रता जोगाउन नसक्दा हार व्यहोरेको हो ।
पहिलो हाफको इन्जुरी समयमा अभिषेक रिजालले गोल गर्दै बागमतीलाई सुरुआती अग्रता दिलाएका थिए ।
खेलको ६५ औं मिनेटमा प्रदीप लामाले गोल गर्दै एपीएफलाई १-१ गोलको बराबरीमा फर्काए ।
खेलको ७६ औं मिनेटमा नवीन लामाले गोल गर्दै एपीएफलाई २-१ को अग्रता दिलाए ।
त्यसपछि खेलको इन्जुरी समयमा नवीनले व्यक्तिगत दोस्रो गोल गर्दै एपीएफलाई ३-१ को जित दिलाए ।
