इटहरीमा उसुको छनोट सुरु

इटहरी । प्रदेश एक स्तरिय उसु प्रतियोगिता बुधबारबाट इटहरी रंगशालाको कभर्डहलमा सुरु भएको छ ।

प्रदेश खेलकुद विकास बोर्डका सदस्य रितेश श्रेष्ठले प्रदेश एक स्तरिय छनौट प्रतियोगिताको उद्घाटन गरेका छन् ।

आगामी २८ गतेदेखि कार्तिक ३ गतेसम्म गण्डकी प्रदेशमा आयोजना हुने नवौं राष्ट्रिय खेलकुद प्रतियोगिताको लागि प्रदेश एकको टिम छनौट गर्न प्रतियोगिताको आयोजना गरीएको हो ।

उसुमा प्रदेशका १४ वटै जिल्लाका बिभिन्न तौल समुहका खेलाडीहरुको सहभागिता रहने र प्रतियोगिता तीन दिन सम्म चल्ने उसुका प्रतियोगिता संयोजक तथा प्रदेश खेलकुद विकास बोर्ड प्रदेश नम्बर एकका सदस्य रितेश श्रेष्ठले बताए ।