काठमाडौं । सिएमजी संकटा क्लबले पल्सर सहिद स्मारक 'ए' डिभिजन लिग फुटबलमा लगातार तेस्रो जित निकालेको छ ।
शुक्रबार भएको खेलमा मछिन्द्र क्लबलाई २ - ० ले पराजित गर्दै संकटाले अपराजित यात्रा कायम राखेको हो ।
हल्चोकस्थित एपीएफ क्लबको मैदानमा संकटाका लागि नितिन थापा र अमित तामाङले एक एक गोल गरे ।
पहिलो हाफमा गोलरहित बराबरीमा सकिएको खेलको ६४ औं मिनेटमा नितिनले गोल गर्दै संकटालाई सुरुवाती अग्रता दिलाए । त्यसपछि खेलको ८६ औं मिनेटमा अमितले पेनाल्टीमा गोल गर्दै संकटालाई २ - ० को जित दिलाए ।
जितसंगै संकटाले ३ खेलबाट ९ अंक जोडेको छ । र, लिगको दोस्रो स्थानमा उक्लिएको छ ।
मछिन्द्रको यो पहिलो हार हो । अघिल्ला दुई खेलमा बराबरी खेलेको मछिन्द्रको ३ खेलबाट २ अंक भएको छ ।
-1736483840.jpg)
