पुलिसविरुद्ध पहिलो हाफमा आर्मी १ - ० ले अघि

काठमाडौं । पल्सर सहिद स्मारक 'ए' डिभिजन लिग फुटबल अन्तर्गतको विभागीय डर्बी भिडन्तमा अहिले त्रिभुवन आर्मी क्लब र नेपाल पुलिस क्लबले प्रतिस्पर्धा गरिरहेका छन् ।

सातदोबाटोस्थित एन्फा कम्प्लेक्समा जारी खेलको पहिलो हाफ सकिदा आर्मीले सुरुआती अग्रता बनाएको छ । आर्मीका लागि खेलको ३० औं मिनेटमा टेक बहादुर बुढाथोकीले गोल गरे । उनले टंक बस्नेतको पास सदुपयोग गरेका थिए ।

आज दुवै टोली जित निकाल्ने लक्ष्यसहित मैदान उत्रिएका छन् ।

लिगमा दुवै टोलीले २ खेलबाट समान ४/४ अंक जोडेका छन् । दुवै टोलीले यसअघि एक खेलमा बराबरी र एक खेलमा जित निकालेका थिए ।