काठमाडौं । ब्रिगेड ब्वाइज क्लबले पल्सर सहिद स्मारक 'ए' डिभिजन लिग फुटबलमा पहिलो जित निकालेको छ ।
शुक्रबार भएको खेलमा १० खेलाडीमा सिमित एपीएफ क्लबलाई ३ - १ गोल अन्तरले पराजित गर्दै ब्रिगेडले पहिलो जित निकालेको हो ।
एन्फा कम्प्लेक्स सातदोबाटोमा सुरुवाती अग्रता जोगाउन नसक्दा एपीएफ पराजित भएको हो । ब्रिगेडलाई जित दिलाउन मनोज राई, ताजुदीन आदुलिनी र काजिम एडेलजोकले एक एक गोल गरे । एपीएफका रुप बहादुर लामाले एक गोल फर्काए ।
![Image may contain: 2 people, people smiling, people playing sports, people standing and outdoor](https://scontent.fktm3-1.fna.fbcdn.net/v/t1.0-9/46510942_302519430362727_2510389615504916480_n.jpg?_nc_cat=109&_nc_eui2=AeH8yU8Y7lXogaa5i30cFNCi2l2XBaHd9SDc7t8KlKaI4ZQztLRr3us3dIYPVbojF6w4hLCFB8PO8qcScZdTJzX6m2ttBdwcM5ywKGGn_LPauA&_nc_ht=scontent.fktm3-1.fna&oh=0b59fdff2ba8938b2c7a0d1e58ce06da&oe=5CB13FAA)
पहिलो हाफ गोलरहित बराबरीमा सकिएको खेलको ६० औं मिनेटमा रुप बहादुरले गोल गर्दै एपीएफलाई सुरुवाती अग्रता दिलाए । तर, खेलको ६४ औं मिनेटमा ब्रिगेडका मनोजले फ्रिकिकबाट गोल गर्दै खेल १ - १ को बराबरीमा ल्याए ।
त्यसपछि खेलमा ब्रिगेडका दुई विदेशी खेलाडी चम्किए । खेलको ६९ औं मिनेटमा ताजुदीनले गोल गर्दै ब्रिगेडलाई २ - १ को अग्रता दिलाए । खेलको ७५ औं मिनेटमा काजिमले गोल गर्दै ब्रिगेडलाई ३ - १ को जित दिलाए ।
खेलको अन्तिम ३ मिनेट बाँकी रहदा एपीएफ १० खेलाडीमा समेटिएको थियो । विश्वास उदासले रातो कार्ड पाएपछि एपीएफ १० खेलाडीमा समेटिएको हो ।
ब्रिगेडका मनोज म्यान अफ दि म्याच चुनिए ।
![Image may contain: 1 person, text](https://scontent.fktm3-1.fna.fbcdn.net/v/t1.0-9/46507819_302515890363081_594216099860447232_n.jpg?_nc_cat=102&_nc_eui2=AeGTlgdUVIoPWCK45brpgTo2R9ndK6HeNfiA5s0JnepaNI7BAfxl7YLD4xeG6kmAZQtPuvZUcx1cPV9Io4FqrVD1l12a6aGEgNGXsJjf0YF2uw&_nc_ht=scontent.fktm3-1.fna&oh=cffcf577a87f14ffac8174a34555952d&oe=5CAEDFAA)
एपीएफलाई हराएसंगै ब्रिगेडले तीन खेलपछि ३ अंक जोडेको छ । ब्रिगेडले अघिल्ला दुई खेलमा पराजय व्यहोरेको थियो ।
यता, एपीएफको भने यो पहिलो हार हो । एपीएफले पहिलो खेलमा बराबरी र दोस्रो खेलमा जित निकालेको थियो । एपीएफको ३ खेलबाट ४ अंक छ ।