काठमाडौं । सहिद स्मारक 'ए' डिभिजन लिग फुटबलमा च्यासल युथ क्लबले न्युरोड टिम एनआरटीलाई पराजित गरेको छ । ललितपुरको एन्फा कम्प्लेक्समा बिहिबार भएको खेलमा च्यासलले एनआरटीलाई ५–१ गोल अन्तरले पराजित गरेको हो ।
लिगमा च्यासलले पहिलो जित दर्ता गराएको छ ।
विजयी टोलीका लागि अमिर श्रेष्ठ र बिमल घर्तिमगरले दुई तथा सन्तोष साहुखलले एक गोल गरे ।
च्यासलले खेलको १४ औ मिनेटमा अग्रता बनायो । सन्जोक राईको पासलाई सदुपयोग गर्दै आमिरले च्यासललाई सुरुवाती अग्रता दिलाए । २९ औ मिनेटमा व्यक्तिगत दोस्रो गोल गर्दै उनले पहिलो हाफमा च्यासललाई २–० को अग्रता दिलाएका थिए ।
दोस्रो हाफमा च्यासलले खेलमा थप सुधार ग¥यो ।
५६ औ मिनेटमा बिमलले च्यासलका लागि तेस्रो गोल गरे । जारी लिगमा बिमलको यो पहिलो गोल थियो । उनले सन्जोक राईले उपलब्ध गराएको पासलाई हेडमार्फत गोल गरेका थिए ।
६३ औ मिनेटमा च्यासलका लागि सन्तोष साहुखलले चौथो गोल थपे । गोलकिपर बिट भएको अवस्थामा उनले गोल गरेका थिए । खेल सकिन चार मिनेट बाँकी छदाँ बिमलले व्यक्तिगत दोस्रो गोल गर्दै च्यासललाई ५–० को स्थितीमा पुर्याएका थिए ।
खेलकाे अन्तिम समयमा विदेशी खेलाडी माेसुद अब्बाेलाले एक गाेल फर्काएका थिए ।
जितपछि च्यासलले ३ खेलबाट तालिकामा ४ अंक जोडेको छ । एनआरटीको एक अंकमात्र छ ।
-1736475046.jpg)
