काठमाडौं । पल्सर सहिद स्मारक ए डिभिजन लिगको तेस्रो चरणको खेलमा च्यासल युथ क्लब र न्यूरोड टिम एनआरटी प्रतिस्पर्धामा उत्रिएका छन् । खेल एन्फा टेक्निकल सेन्टर सोतदोबाटोमा सुरु भएको छ ।
लिगमा दुबै क्लब पहिलो जितको खोजीमा छन् । राष्ट्रिय टिमका खेलाडीले भरिएको च्यासललाई युवा खेलाडीको बाहुल्यता रहेको एनआरटीले चुनौती दिनेछ । राष्ट्रिय टिमका हेमन्त थापा मगर, विमल घर्ती मगर, डिफेन्डर देबेन्द्र तामाङ सहित भर्खरै जापानबाट आएका सन्तोष साहुखलको आगमनले च्यासल बलियो देखिएको छ ।
पहिलो खेलमा मछिन्द्रसँग बराबरीमा रोकिएको च्यासल दोस्रो खेलमा आर्मीसँग १–० ले पराजित भएको थियो ।
यता, उमेर समुहका खेलाडी समावेश गर्दै टिम तयार गरेको एनआरटीले उद्घाटन खेलमा आर्मीसँग २–२ गोलको बराबरी खेलेको थियो । दोस्रो खेलमा मनाङसँग भने २–० ले पराजित भयो ।
युवा खेलाडीको राम्रो साथ पाएको एनआरटीले लिगमा जित निकाल्न असफल भएको छ । सुरुवाती खेलमै बलिया टोलीसंग प्रतिस्पर्धा गर्नुपरेको उल्लेख गर्दै क्लबले आगामी खेलमा प्रर्दशनसंगै नतिजासमेत निकाल्ने दाबी गरेको छ ।
-1736475046.jpg)
