काठमाडौं । कीर्तिमानी तेक्वान्दो खेलाडी आयाशा शाक्यले पारा तेक्वान्दोको 'लेभल टू' प्रशिक्षकको कोर्स पुरा गरेकी छिन् ।
१८ औं संस्करणको विश्व पारा तेक्वान्दोमा शाक्यले लेभल टू को कोचिङ कोर्स पुरा गरेकी हुन् ।
१३ औं सागको दोहोरो स्वर्ण पदक विजेता खेलाडी शाक्यले सन् २०२० को अक्टोबरमा लेभल वान कोर्स पुरा गरेकी थिईन् । त्यसको झण्डै दुई वर्षपछि उनी लेभल टूको प्रशिक्षक बनेकी हुन् ।
विश्वभरबाट आएका प्रशिक्षक मध्य २४ प्रशिक्षकले यो कोर्स पुरा गरेका छन् । लेभल वान गरेका प्रशिक्षकले मात्र लेभल टू गर्न पाउने प्रावधान छ ।
नेपालबाट कबिराज नेगी लामा मात्र पारा तेक्वान्दोका लेभल टू प्रशिक्षक रहेका थिए । अब यस सूचिमा आयाशा पनि थपिएकी छिन् ।
