काठमाडौं । दुबईमा आयोजना भएको टेक ब्याडमिन्टन कप २०२२ को उपाधि नेपाली ब्याडमिन्टन कम्युनिटी युएईले जितेको छ ।
दुबईको प्राइम स्टार स्पोर्ट्स एकेडेमीमा टिम च्याम्पियनसिपको अवधारणामा आयोजना भएको प्रतियोगितामा नेपाली ब्याडमिन्टन कम्युनिटी च्याम्पियन बनेको हो ।
नेपाली ब्याडमिन्टन कम्युनिटीबाट दिवस शंकर, एसिया जबेगु, ज्ञानु बराल र पुरुषोत्तम ओलीले प्रतिस्पर्धा गरेको ब्याडमिन्टन रेफ्री उदय अर्यालले जानकारी गराए ।
उपाधिसँगै नेपाली ब्याडमिन्टन कम्युनिटी टोलीले १० हजार युएई दिराम प्राप्त गरेका छन् ।
१० दिन अघि नेपाली ब्याडमिन्टन कम्युनिटीका खेलाडी सानिया चन्द र साहिल चन्दले दुबई स्कुल गेम्समा स्वर्ण पदक जितेका थिए ।
विजेतालाई प्रमुख अतिथि इन्डियन ब्याडमिन्टन एसोसियसनका उपाध्यक्ष तथा मुख्य प्रशिक्षक पुलेला गोपिचन्दले पुरस्कृत गरे ।
उनले नेपाली टिमबाट खेल्ने अनुहार नभएपनि खेलाडीमा आशालाग्दो खेल प्रतिभा देखिएको बताए ।
