इगालाई फ्रेन्च ओपनको उपाधि

काठमाडौं । उपाधि विश्व नम्बर एक इगा स्वेटेकले फ्रेन्च ओपन टेनिस अन्तर्गत महिलातर्फको उपाधि जितेकी छिन् ।

पेरिसमा शनिबार भएको फाइनलमा अमेरिकी खेलाडी कोको गाउफलाई हराउँदै पोल्याण्डकी इगाले उपाधि जितेकी हुन्।

इगाले १८ औं वरियताकी कोकोलाई ६-१ र ६-३ ले पराजित गरिन् ।

इगाले दोस्रो पटक फ्रेन्च ओपन जितेकी हुन् । यस अघि उनले २०२० मा उपाधि जितेकी थिइन् ।

२१ वर्षिया इगाको यो दोस्रो ग्रान्डस्लाम उपाधि हो ।

पुरुषतर्फको उपाधिका लागि राफायल नाडाल र क्यास्पर रुड भिड्ने छन् ।