नेपाललाई चुनौतीपूर्ण लक्ष्य

काठमाडौं। साउदी अरेबियाले एसीसी मेन्स प्रिमियर कप नेपालसामु १९१ रनको चुनौतीपूर्ण लक्ष्य प्रस्तुत गरेको छ।

क्वालालम्पुरस्थित बायुमास क्रिकेट ओभलमा टस जितेर पहिले ब्याटिङ गरेको साउदी अरेबिया ४९.२ ओभरमा १९० रनमा अलआउट भएको हो।

साउदी अरेबियाका अब्दुल वहीदले सर्वाधिक ७७ रन बनाए। उनले ८९ बलमा १० चौका र २ छक्का प्रहार गरे।

मोहम्मद आतिफले ६८ बलमा ३० रन तथा मोहम्मद हिशाम शेखले २८ रन जोडे। साउदी अरेबियाका कप्तान वाजी उल हसन भने २ बल खेलेर शून्य रनमै आउट भए।

जैनुल आबिदिनले १२ रन बनाए भने मुहम्मद साकिबले १४ रन जोडे। इस्टियाक अहमद १० रन बनाएर अविजित रहे।

साउदी अरेबियाको इनिङ्समा अब्दुल वहीद र मोहम्मद आतिफबीचको साझेदारी महत्वपूर्ण रह्यो। २२.६ ओभरमा आतिफ ३० रनमा आउट हुँदा टोली ९४ रनमा थियो। त्यसपछि २९.१ ओभरमा वहीद ७७ रनमा आउट भए र साउदी अरेबिया ११२ रनमा पुगेको थियो।

नेपालका सन्दीप लामिछाने र दीपेन्द्रसिंह ऐरीले समान ३ विकेट लिए। ललितनारायण राजवंशीले २ तथा गुलशनकुमार झा र शेर मल्लले समान १ विकेट लिए।