न्युजिल्यान्ड ‘ए’लाई नेपालको मध्यम लक्ष्य

काठमाडौं। नेपालले न्युजिल्यान्ड ‘ए’लाई मध्यम लक्ष्य दिएको छ। ५० ओभरमा २११ रन बनाउँदै २१२ रनको लक्ष्य दिएको हो।

नेपाल ‘ए’ का पवन सर्राफले सर्वाधिक ६१ रन बनाए। उनले ९२ बल सामना गर्दै ६ चौका प्रहार गरे। लोकश बमले ६४ बलमा ४७ रन बनाए, जसमा १ चौका र ४ छक्का रहेका छन्।

मायन यादवले २० रन, अनिलकुमार साहले २४ रन र बिपिन खत्रीले १२ रन बनाए।

न्युजिल्यान्ड ‘ए’ का एम फिसर सबैभन्दा प्रभावकारी रहे। उनले ९ ओभरमा १ मेडनसहित ३७ रन खर्चेर ४ विकेट लिए।