काठमाडौं । अखिल नेपाल फुटबल संघ (एन्फा)को आसन्न निर्वाचनका लागि उम्मेदवारी दिएका दुई जनाको उम्मेदवारी रद्ध भएको छ ।
समय भन्दा ढिला भौचर बुझाएका दुई जनाको उम्मेदवारी रद्ध भएको निर्वाचन समितिले जनाएको छ ।
निर्वाचन समितिका सदस्य बद्री भट्टराईले निर्धारित मिति भन्दा ढिला गरि भौचर बुझाएका कारण दुई जनाको उम्मेदवारी रद्ध भएको जानकारी दिए ।
निर्वाचन समितिका अनुसार सदस्य पदका उम्मेदवार सम्भु सिंह ठकुरी र रमेश श्रेष्ठको उम्मेदवारी रद्ध भएको छ ।
'दुवै जनाले निर्वाचन समितिका सदस्यलाई नागरिकता र मनोनयन फारम बुझाएर जानु भएको रहेछ । भौचर केही बेरमा ल्याउने भन्नु भएको रहेछ । तर उम्मेदवारी मनोनयनको ६ देखि १२ गतेसम्म भौचर बुझाएको देखिएन ।' भट्टराईले खेलपाटीसँग भने, 'एन्फाको अडिट एण्ड कम्प्लाइन्स कमिटीले नमिल्ने बताएपछि उहाँहरुको उम्मेदवारी रद्ध भएको हो ।'
निर्वाचन समितिका अनुसार अध्यक्षमा तीन, वरिष्ठ उपाध्यक्षमा दुई, उपाध्यक्षमा ८, खुल्ला केन्द्रिय सदस्यमा ३६ र महिला सदस्यमा ५ जनाको उम्मेदवारी परेको छ ।
अध्यक्षका प्रत्यासीले वर्तमान अध्यक्ष कर्माछिरिङ शेर्पा र वरिष्ठ उपाध्यक्ष पंकजबिक्रम नेम्वाङले प्यानल सहित उम्मेदवारी दर्ता गराएका छन् । फ्रेन्ड्स क्लबका राजिव पौडेलले समेत अध्यक्ष पदमा उम्मेदवारी दर्ता गराएका छन् ।
वरिष्ठ उपाध्यक्षमा शेर्पा प्यानलबाट सरस्वती क्लबका अध्यक्ष शिक्षित पराजुली तथा सिन्धुपाल्चोक जिल्ला फुटबल संघबाट वीरबहादुर खड्का उम्मेदवारी दर्ता गराएका छन् ।
उपाध्यक्ष शेर्पा प्यानलबाट कुमार केसी, बिज्ञानराज शर्मा, उपेन्द्रमान सिंह र रत्नकुमार श्रेष्ठले उम्मेदवारी दर्ता गराएका छन् । त्यस्तै, नेम्वाङ्ग प्यानलबाट विराटजंग शाही, सुन्दरनरसिंह जोशी, दावा लामा र दीपक खतिवडाले उम्मेदवारी दर्ता गराएका छन् ।
खुल्ला सदस्य पदमा शेर्पा प्यानलबाट दिपक थापा, प्रविण यादव, रुपेश अधिकारी, लोकेन्द्र गुरुङ, रामराज गुरुङ, टीका लामा, प्रदेशसिंह राठोर, भरत थापा, अनिल श्रेष्ठ, रमेश ब्यजनकार, मणीराज विष्ट र मनिष जोशीले उम्मेदवारी दर्ता गराएका छन् ।
सदस्य पदमा सुरेन्द्र सिखाकार, निरोज खड्गी, प्रविणकुमार सुवाल, पुरुषोत्तम थापा, महेन्द्र क्षेत्री, विकास नारायण श्रेष्ठ, नेपाल कार्की, विजय घले, मिलन गुरुङ, कृष्णमुरारी गुरुङ, कुमार कटुवाल, सम्भु सिंह ठकुरी, रमेशकुमार श्रेष्ठ, बिनोद लामा तामाङ, मणिकुमार लिम्बु, तपेश्वर कुर्मी, मानदेव हाजार, रविन्द्र चन्द, अनिल मल्ल, भोजराज शाही, दिपेन्द्र धिमाल, मुखिया लामा, सुन्दर थापा क्षेत्री र बालकृष्ण साँवाले पनि उम्मेदवारी दर्ता गराएका छन् ।
जसमा सदस्य पदका उम्मेदवार सम्भु सिंह ठकुरी र रमेश श्रेष्ठको उम्मेदवारी रद्ध भएको छ ।
यस्तै, महिला सदस्यमा बिन्द्रा देवन, सरिता श्रेष्ठ, बिमला पौडेल, पेमा डोल्मा लामा र विना नबाछे श्रेष्ठले उम्मेदवारी दिएका छन् ।
एन्फाको निर्वाचन समितिका अनुसार भोलि ५ बजेसम्म उम्मेदवारी फिर्ताको समय रहेको र उम्मेदवारी फिर्ता लिन चाहेमा निवेदन दिएर आफ्नो उम्मेदवारी फिर्ता लिन सकिने बताएको छ । त्यसपछि निर्वाचन समितिले निर्वाचनको उम्मेदवारको अन्तिम नामावली प्रकाशन गर्नेछ ।
-1732631466.jpeg)
