कस्तो छ खेलकुदको बजेट ?
आइतबार, १५ जेठ २०७९खेलपाटी संवाददाता
काठमाडौं । सरकारले नयाँ आर्थिक वर्षका लागि युवा तथा खेलकुद मन्त्रालयलाई २ अर्व ४६ करोड रुपैयाँ बजेट विनियोजन गरेको छ ।
संसदमा आईतबार बजेट प्रस्तुत गर्दै अर्थमन्त्री जनार्दन शर्माले नयाँ आर्थिक वर्षमा खेलकुदको पूर्वाधार निर्माण कार्यलाई जोड दिदै बजेट प्रस्तुत गरेका हुन् ।
हेर्नुहोस बुलेटमा खेलकुदको बजेट :
- खेलकुद पर्यटनको प्रवद्र्धनका लागि सार्वजनीक नीजि साझेदारीमा शाहसीक तथा पर्वतीय खेलकुदका पूर्वाधार निर्माण तथा सञ्चालन गर्न प्रोत्साहित गरिने ।
- जुम्ला जिल्लाको कोप्लापाटन लगायत स्थानमा हाइअल्टिच्युड एण्ड स्पोर्टस सेन्टर स्थापना गर्न आवश्यक रकम विनियोजन ।
- मुलपानी क्रिकेट मैदानको आगामी आर्थिक वर्षमा निर्माण सम्पन्न गरिने । त्रिवि मैदान रात्रिकालिन खेल खेल्न सकिने गरि आवश्यक रकम विनियोजन ।
- प्रदेश र स्थानीय तहसँगको समन्वयमा चितवनमा निर्माणाधिन गौतमबुद्ध अन्तराष्ट्रिय खेल मैदानको निर्माण कार्य पुरा गर्ने व्यवस्था ।
- नवौं राष्ट्रिय खेलकुद प्रतियोगिता आयोजनाका लागि आवश्यक रकम विनियोजन ।
- दशौं राष्ट्रिय खेलकुदका लागि आवश्यक पुर्वाधारण निर्माण गरिने ।
- स्थानीय तह खेल ग्राम कार्यक्रमलाई निरन्तरता दिदै बाँकेको कोहलपुरमा महिला क्रिकेट एकेडेमी निर्माण र रंगशालाका लागि आवश्यक बजेट विनियोजन ।
- धनगढीको फाप्ला अन्तराष्ट्रिय खेल मैदान र खेलग्रामको निर्माण गरिने ।
- खेल पुर्वाधारमा ८७ करोड रुपैयाँ विनियोजन ।
- खेलकुद विकासको २० वर्षे गुरुयोजना बनाएर कार्यान्वयनमा ल्याईने ।
- नीजि क्षेत्रलाई खेल विश्वविद्यालय खोल्न प्रोत्साहित गरिने ।
- विदेश क्लबलाई नेपालमा फ्रेन्चाईज लिग गर्न अनुकुल वातावरण निर्माण गरिने ।
- खेलकुद संघको संस्थागत क्षमता विकास गरि खेलकुद प्रतियोतिता आयोजनामा खेल संघको भुमिका प्रभावकारी बनाईने ।
- खेलाडी र प्रशिक्षकको क्षमता अभिवृद्धि गरिने । र खेलाडीलाई प्रोत्साहन गर्ने कार्यलाई निरन्तरता दिईने ।
- अन्तराष्ट्रिय तथा राष्ट्रिय खेलकुद प्रतियोगितामा सहभागी खेलाडीको विमाको प्रबन्ध गरिने ।
- खेलकुद संघलाई दिदै आएको अनुदान वृद्धि ।
- राखेपलाई २ अर्व ९ करोड रुपैयाँ बजेटको विनियोजन ।
- महोत्तरीको मटियानी, चितवनको कठार, पूर्वी नवरपरासीको मध्यविन्दुमा स्थानीय तह र नीजि क्षेत्रको सहकार्यमा अध्याधुनिक रिक्रेसन सेन्टर स्थापना गरिने ।
- एसियाली र ओलम्पिकका पदक विजेता खेलाडीलाई आजिवन भत्ताको व्यवस्था ।
- युवा तथा खेलकुद मन्त्रालयलाई २ अर्व ४६ करोड रुपैयाँ बजेट विनियोजन ।
#खेलकुदमा बजेट
