काठमाडौं । मोटर स्पोर्टसको क्षेत्रमा काम गर्ने संस्था नासा नेपालले नुवाकोटमा पहिलो सवारी सुरक्षा सम्बन्धी कार्यक्रम सम्पन्न गरेको छ ।
नासा नेपालले शनिबार नुवाकोटस्थित शहिद जगत प्रकाश जंग शाह संस्कृत स्कुल देविघाटमा ‘ओरिन्टेसन अफ सेफ्टी राइडिङ्ग’ सम्बन्धी कार्यक्रम सम्पन्न गरेको हो ।
कार्यक्रममा नासा नेपालका सचिव निरज खड्काले सडक दुर्घटना नेपालमा अकाल मृत्युको पहिलो कारण भएको उल्लेख गर्दै सवारी चालकले सवारी साधन चलाउदा विशेष ध्यान पु¥याएर चलाउनु पर्ने र सुरक्षित हेल्मेटको प्रयोग गर्नु पर्ने बताए ।
शहिद जगत प्रकाश जंग शाह संस्कृत सेकेन्डेरी स्कुलका प्रिन्सिपल मन्जु चित्रकारले सवारी सुरक्षा सम्बन्धी जानकारी स–साना बालाबलिकादेखि वृद्दवृद्दासम्म आवश्यक रहेको उल्लेख गर्दै जनचेतनात्मक कार्यक्रमले ठुलो महत्व राख्ने बताए ।
करिब ४० जना महिला दुई पाङगे्र सवारी साधन प्रयोगकर्ता सहभागी कार्यक्रममा नासा नेपालको तर्फका प्रोग्राम अफिसर सुयोग खनालले नेपालमा दुई पाङगे्र सवारी दुर्घटनाको अवस्था, सेफ्टी राइडिङ्ग टिप्स, गुणस्तरीय हेल्मेटको बनावट र महत्वको बारेमा प्रस्तुतीकरण दिएका थिए ।
कार्यक्रममा नासा नेपालद्धारा बनाइएको सुरक्षित मोटरसाइकल र स्कुटर यात्राका लागी जानकारी पर्चाको वितरण गर्नुका साथै सांकेतिक रुपमा सुरक्षित हेल्मेटको बारेमा जानकारी दिनका लागि एफआईए हेल्मेट वितरण गरिएको थियो ।
नासा नेपालका केन्दिय सदस्य दिपेश श्रेष्ठ, ब्रान्डीङ्ग अफिसर सौगात राजभण्डारी, अधिवक्ता, पत्रकार, ईन्जिनियर लगायतको उपस्थिती रहेको कार्यक्रममा सडक सुरक्षा सम्बन्धी विश्वव्यापी प्रतिवद्धता पत्रमा सम्पूर्ण सहभागीले हस्ताक्षर गरेका थिए ।
-1732631466.jpeg)
