बुटवल । बुटवलमा सम्पन्न प्रदेश स्तरीय शारीरिक सुगठन प्रतियोगिताको उपाधि कृष्ण श्रेष्ठले जितेका छन् । ७५ केजी तौल समुहमा बिजेता भएर फाईनल चरण पुगेका फिटनेस टाइम सैनामैनका कृष्ण खुल्लातर्फ च्याम्पियन बन्दै प्रतियोगिताको उपाधि जितेका हुन् । प्रतियोगितामा सहभागी ६० जना प्रतिस्पर्धी खेलाडीको चुनौतीलाई पार गर्दै उनले उपाधि सहित नगद १ लाख रुपैयाँ हात पारे ।
प्रतियोगिताको ५५ केजी तौल समूहतर्फ नेपालगंज एच एण्ड एफका सबिन थापा प्रथम, भलु भैरब जिम सुनवलका सुरज बहादुर बराल द्वितीय र फिटनेस हब बुटवलका स्यामुल गुरुङ्ग तृतीय भए ।
६० केजि तौल समुहमा हेल्थ बेनफिट नेपालगंज बाँकेका सिद्धान्त जसेरिया प्रथम, मदन भण्डारी स्पोटर्स एकेडमी सुर्खेतका अमृत रोकाय क्षेत्री दोश्रो, मोटिभेसन जिमका माधव सुवेदी तृतीय भए ।
त्यस्तै ६५ केजी तौल समूहमा रत्नश्री जिम पोखराका सुरेश लाना प्रथम, भलु भैरब जिम एण्ड फिटनेसका लेख बहादुर गुरुङ्ग दोश्रो र पाबर जिम पोखराका संजिब पुन तेस्रो बने ।
७० केजी तौल समुहमा एक्सट्रिम फिटनेस क्लब रुपन्देहीका मान बहादुर राना प्रथम, हेमर फिटनेसका राकेस यादब दोश्रो र भुमही जिम एण्ड फिटनेसका नवराज डुम्रे तेस्रो स्थानमा चित्त बुझाए ।
त्यसैगरी ७५ केजी तौल समुहममा फिटनेस टाइम मुर्गियाका कृष्ण श्रेष्ठ प्रथम, नेपाल जिम एण्ड फिटनेसका अनिश थापा दोश्रो तथा मिड वेस्टर्न फिटनेस सेन्टरका सुरेन्द्र थापा तृतीय बने ।
त्यसैगरी ७५ केजी तौल भन्दा माथिको समुहमा प्याराडाइज फिटनेस सेन्टरका विवेक सिह दर्लामी प्रथम, हेल्थ वेनिफिट नेपालगंजका सितान्शु पाण्डे दोश्रो र रोयल जिम एण्ड फिटनेसका कुशल गुरुङ्ग तेस्रो भए ।
प्रत्येक तौल समूह प्रथम, दोश्रो र तेस्रो भएका खेलाडीहरुले मेडल, प्रमाणपत्र प्राप्त गरेको थिए । हरेक विधामा दोश्रो र तेस्रो हुने खेलाडीले जनही क्रमश ५ हजार र तीन हजार रुपैयाँ हात पारे ।
तौल समुहबाट प्रथम बन्दै छनौट चरण पार गरेका ६ जना बिजेता खेलाडीले अन्तिम प्रतिस्पर्धा गरेका थिए । फाइनल राउन्डमा अन्य पाँच जना खेलाडीलाई उछिनेर कृष्ण श्रेष्ठ च्याम्पियन बने ।
बिजेता बनेका उनले १ लाख नगदसँगै विभिन्न पुरस्कार प्राप्त गरे । प्रतियोगितामा उपविजेता भएका अन्य ५ खेलाडीलाई आकर्षक पुरस्कार सहित जनही १० हजार र ट्रफी प्रदान गरियो ।
प्रतियोगिताको निर्णय मुख्य निर्णायक श्याम श्रेष्ठ, अन्तराष्टिय निर्णायक क्रमश बुद्धि जंग कार्की, केशव बहादुर शाक्य नानीकाजी डंगोल तथा राष्ट्रिय निर्णायक शिवध्वज राई, राज कुमार श्रेष्ठ, सुरज श्रेष्ठले गरेका थिए ।
कार्यक्रम रुपन्देही जिल्ला शारीरिक सुगठन तथा फिटनेस संघका अध्यक्ष सितु प्रसाद श्रेष्ठको अध्यक्षता तथा बुटवल उपमहानगरपालिकाका प्रमुख शिवराज सुवेदीको प्रमुख आतिथ्यमा सम्पन्न भएको थियो ।
-1732631466.jpeg)
