एन्फा पाल्पाको नेतृत्वमा प्रणय विरजंग

काठमाडौं । जिल्ला फुटबल संघ पाल्पाको अध्यक्षमा प्रणय विरजंग राणा निर्वाचित भएका छन् । शुक्रबार भएको साधारण सभाले राणाको अध्यक्षतामा नयाँ कार्यसमिति निर्वाचित गरेको हो ।

राणाले अध्यक्षका प्रत्यासी मनोहर थापालाई पराजित गरे । प्रणयले ९ भोट प्राप्त गरे । थापाले ५ मत मात्र पाए ।

उपाध्यक्षमा मनोजमान लिगल, प्रज्वल उदय र कृष्ण सारु मगर निर्वाचित भए । तीनै जनाले ९ भोट प्राप्त गरेका थिए । 

सदस्यमा युकि गाहा, दिपेन्द्र खनाल, अनिस श्रेष्ठ, कृष्णबहादुर वाकावल, सुलभ कार्की, सुरज सारु, हरिबहादुर ज्ञवाली, दलबहादुर रास्कोटी, युवराज चिदी, अमृतबहादुर राना, सुजन थापा निर्वाचित भए ।

प्रणय चेन्ज एन्फा अभियानमा कर्मा–पंकजसँग जोडिएका व्यक्ति हुन् । पाल्पा जिल्लामा फुटबलको शुद्धिकरण आन्दोलनमा योगदान गर्दै आएका प्रणयले यस पटक नेतृत्वमा निर्वाचित हुन सफल भएका छन् ।

नेतृत्वका कारण जिल्लाको फुटबल गतिवधि अघि बढ्न नसकेको भन्दै उनले असन्तुष्ट व्यक्त गर्दै आएका थिए । 

एन्फाको आसन्न केन्द्रिय निर्वाचन असार ६ गते हुदैछ । सोही निर्वाचनका लागि धमाधम जिल्ला निर्वाचनहरु भैरहेका छन् ।