नवौं राष्ट्रिय खेलकुदमा ३८ खेलको प्रस्ताव

काठमाडौं । नवौं राष्ट्रिय खेलकुद प्रतियोगिताका लागि ३८ वटा खेलको प्रस्ताव गरिएको छ । 

राष्ट्रिय खेलकुद परिषद् (राखेप)ले गण्डकी प्रदेशमा आयोजना हुने प्रतियोगिताका लागि ३८ वटा खेलको इभेन्ट प्रस्ताव गरेको हो । 

राखेपको प्रस्ताव अनुसार फुटबल, भलिबल, कबड्डी, बास्केटबल, हक्की, क्रिकेट, खोखो, चेस, ह्याण्डबल, साईक्लिङ, ट्रायथालन, सेपाक्टाक्रो, गल्फ, प्याराग्लाईडिङ, रग्बी, इ स्पोर्टस, डान्स स्पोर्टस, एथलेटिक्स, बक्सिङ, तेक्वान्दो, कराँते र भारत्तोलन रहेका छन् । 

यस्तै, टेबल टेनिस, कुस्ती, ब्याडमिन्टन, उसु, जुडो, आईटिएफ, फुल कन्ट्याक्ट कराँते, स्क्वास, सुटिङ्ग, जिम्न्यास्टिक, लन टेनिस, सफ्ट टेनिस, आर्चरी, फेन्सिङ, शारीरिक सुगठन र पौडी खेललाई प्रतियोगिताका लागि प्रस्ताव गरिएको छ । प्रस्तावित खेललाई लिएर राखेपले सात वटै प्रदेशका कार्यकारी प्रमुखसँग छलफल समेत गरेको छ । 

नवौं राष्ट्रिय खेलकुद गण्डकी प्रदेशमा जेठ २२ देखि २८ गतेसम्म आयोजना हुदैछ । नवौंमा समावेश गर्ने खेलका लागि राखेपले प्रदेश र विभागीय टिमसँग छलफल समेत गरेको छ । आगामी शुक्रबार बस्ने बोर्ड बैठकले प्रस्ताव गरिएको नाममा औपचारिक निर्णय गर्नेछ । 

नवौं राष्ट्रिय खेलकुद सहित समसामहिक विषयमा छलफल गर्न युवा तथा खेलकुद मन्त्रालयले बैशाख ९ गते राखेपको बोर्ड बैठक आह्वान गरेको छ ।