काठमाडौं । बुटवल ब्याडमिन्टन क्लबको आयोजनामा हुने दोस्रो राष्ट्रिय ब्याडमिन्टन प्रतियोगिता बैशाख दोस्रो साता आयोजना हुने भएको छ ।
माझगाउँस्थित नवदिप कभर्ड हलमा आयोजना हुने प्रतियोगिता बैशाख ७ देखि १० गतेसम्म हुनेछ।
प्रतियोगितामा पुरुष एकल, पुरुष डबल्स, भेट्रान्स ४५ वर्ष माथि, ५५ वर्षमाथि र महिला एकलमा प्रतिस्पर्धा हुनेछ।
प्रतियोगिताको पुरुष एकल, पुरुष डबल्सतर्फ विजेताले ५० हजार, दोस्रोले ३० र तेस्रोले २० हजार रुपैयाँ पाउने छन् ।
भेट्रान्स ४५ वर्ष माथि र महिला एकलको विजेताले ३० हजार, दोस्रोले २० र तेस्रोले १० हजार रुपैयाँ पाउने छन्।
५५ वर्षमाथि भेन्ट्रान्स समूहको विजेताले २० हजार, उपविजेताले १५ हजार र तेस्रोले १० हजार पाउने छन् ।
