शिक्षाले फेन्सिङको विश्व च्याम्पियनसिप खेल्ने

काठमाडौं । शिक्षा नापितले दुबईमा आयोजना हुने सावर इभेन्ट्सको जुनियर एण्ड क्याडेट फेन्सिङ विश्व च्याम्पियनसिपमा प्रतिस्पर्धा गर्ने भएकी छिन् ।

च्याम्पियनसिप अप्रिल २ देखि १० सम्म आयोजना हुनेछ ।

बागमती प्रदेशकी शिक्षाले हालै प्रथम बीर गणेशमान सिंह राष्ट्रिय फेन्सिङ प्रतियोगितामा स्वर्ण जितेकी थिइन् ।

नेपाल ओलम्पिक कमिटिले बुधबार दुबई जाने फेन्सिङ टोलीलाई बिदाइ गरेको छ ।

च्याम्पियनसिपमा टिम म्यानेजरको रुपमा मन कार्की रेग्मी र अफिसियलमा निराकार मान सिंह दुबई जाने छन् ।

यस्ता एसिया फेन्सिङको कंग्रेसमा सहभागी हुन संघका अध्यक्ष सुनिल कुमार श्रेष्ठ र महासचिव सुजन लाल श्रेष्ठ दुबई जानेछन् ।