सिन्धुपाल्चोक । मेलम्ची मेयरकप ब्याडमिन्टन प्रतियोगिताको उपाधि लायन्स क्लब अफ काठमाडौं सिन्धु चौतारा सिटिका रमेश श्रेष्ठ र प्रकाश श्रेष्ठले हात पारेका छन् ।
राजन श्रेष्ठ र अभिषेक गुरुङलाई हराएर रमेश र प्रकाशको जोडीले उपाधि जितेको हो । यस्तै किसन दुलाल र राजकुमार तामाङ तथा पूर्ण बहादुर थापा र अजय तामाङको जोडी तेस्रो भएका छन् ।
प्रतियोगितामा जिल्लातर्फ पहिलो दोस्रो र तेस्रो हुनेले क्रमशः नगद ३० हजार, २०हजार र १० हजार सहित ट्रफि, मेडल र प्रमाणपत्र प्राप्त गरेका छन् ।
नगरतर्फको प्रतियोगितामा किसन दुलाल र दिपक दुलालको जोडी पहिलो, दिपेन्द्रदुलाल र राजु सापकोटा दोस्रो, सिपि दुलाल र सुर्दशन दुलाल तथा भिमशेन डंगोल र रविन बोम्जनको जोडी तेस्रो भएका थिए ।
नगर स्तरीय खुल्ला पुरुष डबल्स प्रतियोगितामा प्रथम,दोस्रो र तेस्रो हुनेलाई क्रमशः१५हजार ,१०हजार र ५हजारसहित ट्रफि , मेडल र प्रमाणपत्र प्रदान गरिएको मेलम्ची ब्याडमिन्टन एकेडेमीका अध्यक्ष कुमार सापकोटाले जानकारी दिए ।
