काठमाडौं । नेपाल तेक्वान्दो संघले चैत १८ र १९ गते १७ औं राष्ट्रिय तेक्वान्दो प्रतियोगिता आयोजना गर्ने भएको छ ।
तेक्वान्दो संघले शुक्रबार काठमाडौंमा पत्रकार सम्मेलनमार्फत प्रतियोगिताबारे जानकारी गराएको हो ।
अन्तर्राष्ट्रिय प्रतियोगिताका लागि खेलाडी छनोटका लागि समेत यो प्रतियोगिता आयोजना गर्न लागिएको संघले जनाएको छ ।
२६ स्वर्ण, २६ रजत र ५२ कास्य पदकका लागि ७ प्रदेश र तीन विभागीय टिमका खेलाडीहरुले सिनियर र जुनियरतर्फ प्रतिस्पर्धा गर्नेछन् ।
प्रतियोगितामा करिब ३ सय खेलाडीको सहभागिता रहनेछ ।
प्रतियोगिता आयोजनाका लागि करिब ३६ लाख रुपैया खर्च हुने संघले जनाएको छ ।
