काठमाडौं । बूढानीलकण्ठ उमा कुङफु शाखाको आयोजनामा हुने बूढानीलकण्ठ नगरस्तरीय उमा कुङफु प्रतियोगिताको तयारी पूरा भएको आयोजकले जनाएको छ ।
एकदिने प्रतियोगिता शनिबार बूढानीलकण्ठ नगरपालिकाको कपनमा हुँदैछ ।
बूढानीलकण्ठ नगरपालिकाको मुख्य प्रायोजनमा हुन लागेको प्रतियोगितामा १ सय ३५ खेलाडीको सहभागिता रहने आयोजक शाखाका प्रमुख अस्मिन चौधरीले जनाएका छन् । नेपाल उमा कुङफु संघको प्राविधिक सहयोगमा हुन लागेको प्रतियोगिताको पुरुष÷महिलामा समान २० स्पर्धामा प्रतिस्पर्धा हुने छ ।
सर्वाधिक स्वर्ण जित्ने एक टिमलाई मात्र टिम च्याम्पियनको ट्रफी प्रदान गरिने छ । सान्डा र प्याटर्नमा १–१ पुरुष÷महिला गरी ४ उत्कृष्ट खेलाडी चयन गरिने छ । उत्कृष्ट चारलाई नेपाल उमा कुङफु संघले खाना÷बस्न सुविधासहित चीनमा निशुल्क प्रशिक्षणका लागि पठाउने नेपाल उमा कुङफु संघका अध्यक्ष एवं अन्तर्राष्ट्रिय निर्णायक सिद्धार्थ लामाले जानकारी गराए ।
प्रतियोगिताको मुख्य जजमा नेपाल उमा कुङफु संघका वरिष्ठ उपाध्यक्ष एवं अन्तर्राष्ट्रिय निर्णायक सन्जीतकुमार राई रहेका छन् । पोइजन जिन्सका प्रोप्राइटर जनक कार्कीले अफिसियलका लागि पोशाक प्रायोजन गरिदिएका छन् ।
