दक्षिण अफ्रिकाविरुद्ध हेनरीको उत्कृष्ट बलिङ
काठमाडौं । घरेलु टोली न्यूजिल्यान्डका बलरले पहिलो टेस्टमा दक्षिण अफ्रिकाविरुद्ध उत्कृष्ट बलिङ गरेका छन् ।
टस हारेर क्रिसचर्चमा पहिले ब्याटिङ गरेको दक्षिण अफ्रिका पहिलो इनिङ्समा ९५ रनमै अलआउट भयो ।
दक्षिण अफ्रिकाका लागि जुबायर हाम्जाले सर्वाधिक २५ रनको योगदान गरे ।
न्यूजिल्यान्डका म्याट हेनरीले सर्वाधिक ७ विकेट हात पारे ।
१५ ओभर बलिङ गरेका म्याटले ४ मेडन ओभर फाल्दै २३ रनमात्र खर्चिएका थिए ।
न्यूजिल्यान्डका टिम साउथी, कायल जेमिसन र नेल वाग्नरले समान एक–एक विकेट हात पारे ।
जवाफी ब्याटिङ थालेको न्यूजिल्यान्डले पहिलो दिनको समाप्तीमा २१ रनको अग्रता बनाएको छ ।
न्यूजिल्यान्डले ३ विकेट गुमाएर १ सय १६ रन जोडेको छ ।
हेनरी निकोलास ३७ रन तथा नेल वाग्नर २ मा अविजित रहेका छन् ।
डेभोन कनवे ३६ रन, कप्तान टम लाथम १६ तथा विल योंग ८ रनमा आउट भए ।
दक्षिण अफ्रिकाका डुआन ओलिभियरले दुई तथा मार्को जानसेन एक विकेट लिएका छन् ।
