काठमाडौं । अष्ट्रेलियाका फास्ट बलर माइकल नेसरले पाकिस्तानविरुद्धको टेस्ट सिरिज गुमाउने भएका छन् ।
इंग्ल्यान्डविरुद्धको एसेस टेस्ट सिरिजका क्रममा डेब्यू गरेका नेसरले घाइते भएपछि पाकिस्तानविरुद्धको ऐतिहासिक सिरिज गुमाउने भएका हुन् ।
अष्ट्रेलिया र घरेलु टोली पाकिस्तानबीच तीन खेलको टेस्ट सिरिज मार्च ४ बाट सुरु हुदैछ ।
नेसरको स्थानमा मार्क स्टेकेटी टोलीमा अटाएका छन् ।
अर्का फास्ट बलर ब्रेन्डन डोगेटलाई स्ट्यान्डबाई राखिएको छ ।
टेस्ट सिरिजसँगै अष्ट्रेलियाले पाकिस्तानविरुद्ध तीन खेलको एकदिवसिय तथा एक खेलको टी–ट्वान्टी सिरिज पनि खेल्नेछ ।
