अष्ट्रेलियालाई सिरिज

काठमाडौं । घरेलु टोली अष्ट्रेलियाले श्रीलंकाविरुद्धको टी-ट्वान्टी क्रिकेट सिरिज दुई खेल अगाबै जितेको छ ।

क्यानबेरामा मंगलबार भएको तेस्रो टी-ट्वान्टीमा श्रीलंकालाई ६ विकेटले हराएर अष्ट्रेलियाले पाँच खेलको सिरिज ३-० ले जितेको हो ।

श्रीलंकाले दिएको १ सय २२ रनको लक्ष्य अष्ट्रेलियाले १६ ओभर ५ बलमा मात्र ४ विकेट गुमाएर पूरा गर्यो ।

अष्ट्रेलियाको जितमा ग्लेन म्याक्सवेलले ३९ रन जोड्दा कप्तान आरोन फिन्चले ३५ रन जोडे । जोश इन्लिसले अविजित रहदै २१ रन बनाए ।

मार्कुस स्टोनिस १२ रनमा अविजित रहदा एस्टन अगरले १३ रन जोडे ।

श्रीलंकाका महिश थिकसनाले ३ विकेट लिए ।

यस अघि पहिले ब्याटिङ गरेको श्रीलंकाले २० ओभर ६ विकेट गुमाएर १ सय २१ रन बनाएको थियो ।

श्रीलंकाका लागि कप्तान डसुन सनकाले अविजित ३९ रन जोड्दा दिनेश चन्डिमालले २५ रन बनाए । पाथुम निशन्काले १६ रन जोडे ।

अष्ट्रेलियाका केन रिचार्डसनले ३ विकेट लिए ।