इन्डोर कर्पोरेट लिग फागुन १८ बाट 

काठमाडौं । हिमालय स्पोर्टस म्यानेजमेन्ट प्रा लिले ग्रेट हिमालय क्रिकेट एकेडेमीको सहकार्यमा प्रथम इन्डोर कर्पोरेट लिग क्रिकेट (आईसीएल) आयोजना गर्ने भएको छ । 

काठमाडौंमा बुधबार पत्रकार सम्मेलन गर्दै हिमालय स्पोर्टसले लिग फागुन १८ देखि २१ गतेसम्म हात्तीबनस्थित ग्रेट हिमालय क्रिकेट एकेडेमीमा सञ्चालन हुने जनाएको छ । 

१० ओभरको खेल खेलाइने लिगमा १६ टिमको सहभागिता रहनेछ । 

एक टिममा १० जनाको टोली रहेपनि केवल ८ खेलाडीले खेल्नेछन् ।

लिग कम नकआउट फम्र्याटमा खेलाइने लिगको दर्ता शुल्क ४० हजार रहेको छ । 

विजेता टोली तथा उत्कृष्ट खेलाडीलाई आकर्षक पुरस्कार वितरण गरिने आयोजकले जनाएको छ ।