पाकिस्तान टिममा मसुद र राउफ

काठमाडौं । पाकिस्तानले ओपनर शान मसुद र फास्ट बलर हरिस राउफलाई समेट्दै पाकिस्तानले अष्ट्रेलियाविरुद्धको टेस्ट सिरिजका लागि टिमको घोषणा गरेको छ । 

घरेलु टोली पाकिस्तान र अष्ट्रेलियाबीच तीन खेलको टेस्ट सिरिज हुदैछ । पहिलो टेस्ट रावलपिन्डीमा मार्च ४ बाट सुरु हुनेछ ।

पाकिस्तान र अष्ट्रेलियाबीच तीन खेलको एकदिवसिय तथा एक खेलको टी–ट्वान्टी सिरिज समेत हुनेछ ।  

ब्याट्सम्यान मसुदले अन्तिम पटक न्यूजिल्यान्डविरुद्ध सन् २०२१ मा टेस्ट खेलेका थिए । 

अविड अलीको स्थानमा मसुदलाई ल्याइएको हो । 

यता राउफ भने अघिल्लो वर्ष दक्षिण अफ्रिका र जिम्बावेको भ्रमणमा रहेपनि खेल्न पाएका थिएनन ।

विलाल आसिफको स्थानमा राउफलाई ल्याइएको हो ।