रोहित टेस्टको कप्तान बन्दै

काठमाडौं । ब्याट्सम्यान रोहित शर्मा भारतको टेस्ट क्रिकेट टिमको कप्तान नियुक्त हुने भएका छन् ।

भारतीय क्रिकेटको सर्वोच्च निकाय बीसीसीआईको छनोट समितिले रोहितलाई टेस्ट टिमको कप्तान नियुक्त गर्ने तयारी गरेको क्रिकट्रयाकरले जनाएको छ ।

भारतले श्रीलंकाविरुद्धको सिरिज अघि रोहितलाई कप्तान नियुक्त गर्ने बताईएको छ । विराट कोहलीले कप्तानी छाडेपछि रोहितलाई कप्तानी दिन लागिएको हो ।

भारतले श्रीलंकासँग दुई खेलको टेस्ट र तीन खेलको टी-ट्वान्टी सिरिज खेल्ने तालिका रहेको छ ।

टेस्ट टिमको कप्तान नियुक्त भएमा रोहित सबै फर्म्याटको कप्तान हुने छन् ।

भारतले यस अघि नै रोहितलाई एकदिवसीय र टी-ट्वान्टीको कप्तानी दिएको छ।