कोहलीले एक सयौं टेस्ट श्रीलंकाविरुद्ध खेल्ने 

काठमाडौं । भारतीय क्रिकेट टिमका पूर्व कप्तान विराट कोहलीले आफ्नो एकसयौं टेस्ट खेल श्रीलंकाविरुद्ध खेल्ने भएका छन् ।

घरेलु टोली भारतले श्रीलंकाविरुद्ध दुई खेलको टेस्ट र तीन खेलको टी–ट्वान्टी सिरिज फेब्रुअरी २४ तारिखबाट खेल्दैछ । 

कोहलीले श्रीलंकाविरुद्ध एकसयौं टेस्ट खेल खेल्नेछन् । उक्त खेल मोहालीमा मार्च ३ बाट सुरु हुनेछ । 

दोस्रो टेस्ट भने मार्च १२ बाट बैंग्लोरमा सुरु हुनेछ । 

टेस्ट सिरिज अघि भने टी–ट्वान्टी सिरिज खेलिनेछ ।  

टी–ट्वान्टी खेल २४, २६ र २७ तारिखमा हुने तालिका रहेको छ । 

त्यसैगरी पहिलो टेस्ट मार्च ३ बाट सुरु हुनेछ ।