न्यूजिल्यान्डले सिमित मैदानमा क्रिकेट खेलाउने 

काठमाडौं । कोभिड–१९ (ओमिक्रोन) को प्रभावलाई कम गर्नका लागि न्यूजिल्यान्डले अन्तर्राष्ट्रिय क्रिकेट सिरिजहरु सिमित मैदानमा मात्र खेलाउने भएको छ । 

दक्षिण अफ्रिकाविरुद्धको दुई खेलको टेस्ट सिरिज क्रिसचर्चमा मात्र हुने भएको छ । 

पहिलो टेस्ट फेब्रुअरी १७ बाट सुरु हुनेछ । 

यसअघि क्रिसचर्च तथा वेलिङटनमा सिरिज आयोजना गर्ने तालिका रहेको थियो । 

त्यसैगरी, अष्ट्रेलियाविरुद्धको तीनवटै टी–ट्वान्टी खेल नापियरमा खेलाइने भएको छ । 

पहिलो खेल मार्च १७ मा हुनेछ । 

नेदरल्यान्ड्सविरुद्धको एक टी–ट्वान्टी तथा एक एकदिवसिय खेल माउन्ट माउङगानुई तथा दुईवटा एकदिवसिय ह्यामिल्टनमा खेलाइने छ । 

टी–ट्वान्टी मार्च २५ मा हुनेछ । 

भारतीय महिला क्रिकेट टिमले भने न्यूजिल्यान्डविरुद्धको एक टी–ट्वान्टी तथा पाँच खेलको एकदिवसिय सिरिज क्वीन्सटाउनमा खेलाइनेछ ।