भारतको टिम घोषणा, रोहित र कुलदिप टिममा फर्किए

काठमाडौं । भारतले वेस्ट इन्डिजविरुद्धको एकदिवसीय र टी-ट्वान्टी सिरिजका लागि टिम घोषणा गरेको छ ।

बीसीसीआईले बुधबार रोहित शर्माको कप्तानीमा सिरिजका लागि टोली घोषणा गरेको हो ।

चोटको कारण दक्षिण अफ्रीकाविरुद्धको सिरिज गुमाएका रोहित वेस्ट इन्डिजविरुद्ध भने टिममा फर्किएका हुन् ।

यस्तै कुलदिप यादव समेत टिममा फर्किएका छन् । बलर कुलदिपले पछिल्लो ६ महिनायता क्रिकेट खेलेका छैनन् ।

दिपक होडा पहिलो पटक एकदिवसीय टोलीमा अटाएका छन् ।

भारतले घरेलु मैदानमा वेस्ट इन्डिजविरुद्ध ३ खेलको एकदिवसीय र ३ खेलको टी-ट्वान्टी सिरिज खेल्नेछ ।

पहिलो एकदिवसीय फेब्रुअरी ६ बाट सुरु हुनेछ ।

यस्तै फेब्रुअरी १६ मा पहिलो टी-ट्वान्टी हुनेछ ।