परेराद्वारा अन्तराष्ट्रिय क्रिकेटबाट सन्यास

काठमाडौं । श्रीलंकाका अलराउण्डर दिलरुवान परेराले अन्तराष्ट्रिय क्रिकेटबाट सन्यास घोषणा गरेका छन् ।

परेराले बुधबार अन्तराष्ट्रिय क्रिकेटबाट सन्यासको घोषणा गरेका हुन् ।

३९ वर्षीय परेराले घरेलु क्रिकेट भने खेल्ने छन् ।

श्रीलंकाका लागि परेराले ४३ टेस्ट, १३ एकदिवसीय र ५ टी-ट्वान्टी अन्तराष्ट्रिय खेलेका छन् ।

जसमा १४ सय ५६ रन र १ सय ७७ विकेट लिएका छन् ।

परेराले २००७ मा इंग्ल्यान्डविरुद्ध खेल्दै एकदिवसीयमा डेब्यु गरेका थिए ।

त्यसको ७ वर्षपछि पाकिस्तानविरुद्ध उनले टेस्टमा डेब्यु गरेका थिए ।

परेराले २०११ मा अष्ट्रेलियासँग खेल्दै टी-ट्वान्टीमा डेब्यु गरेका थिए ।