हारले हाम्रो आँखा खोल्ने काम गरेको छ – द्रविड  

काठमाडौं । भारतीय क्रिकेट टिमका मुख्य प्रशिक्षक राहुल द्रविडले दक्षिण अफ्रिकासँगको एकदिवसिय सिरिजको पराजयले भारतीय टिमको आँखा खोल्ने काम गरेको छ । 

भारतले घरेलु टोली दक्षिण अफ्रिकाविरुद्धको तीन खेलको एकदिवसिय सिरिज ३–० ले हारेको थियो । 

द्रविडले उक्त सिरिजले भारतीय टिमको आँखा खोल्ने काम गरेको बताए । 

उनका अनुसार उनको प्रशिक्षणको पहिलो एकदिवसिय सिरिज रहेको तथा भारतले सन् २०१९ को विश्वकपपछि त्यति धेरै एकदिवसिय नखेलेको बताए । 

तर उनले सन् २०२३ मा हुने विश्वकपका लागि समय पाएको तथा विश्वकप अघि धेरै खेलहरु खेल्ने जनाए । 

द्रविडले भारतीय टोलीले चाडै राम्रो प्रदर्शन गर्ने विश्वास व्यक्त गरे ।