जिल्लास्तरीय खुल्ला पुरुष भलिबल प्रतियोगिता हुने

देवराज सुवेदी । सिन्धुपाल्चोकको मेलम्ची ७ दुवाचौरमा जिल्लास्तरीय खुल्ला पुरुष भलिबल प्रतियोगिता हुने भएको छ ।

नमुना युवा जागरण समूह मेलम्ची ७ छापको आयोजनामा हुने उक्त प्रतियोगिता यहि मंसिर २८ देखि पौष २ गतेसम्म दुवाचौर सामुदायिक खेल मैदानमा हुने भएको छ ।

प्रतियोगितामा प्रथम हुनेले नगद  १ लाख सहित शिल्ड, मेडल र प्रमाण पत्र प्राप्त गर्नेछन् भने द्वितीय र तृतीय हुनेले क्रमशः ५० हजार र २० हजार सहित शिल्ड,मेडल र प्रमाणपत्र प्राप्त गर्नेछन् ।

प्रतियोगितामा सहभागि हुन प्रत्येक टिमलाई टिम दर्ता दस्तुर ५ हजार लाग्ने संयोजक ओम तामाङ वाईबाले जानकारी दिए।

देशको राष्ट्रिय खेल भलिबल भएको तथा सिन्धुपाल्चोक जिल्लाभित्र भलिबल खेलाडीहरु धेरै रहेकाले युवा खेलाडीहरुको मनोबल बढाउन प्रतियोगिताको आयोजना गरिएको नमुना युवा जागरण समूहका अध्यक्ष सिरचा तामाङले बताए ।