भारतले दक्षिण अफ्रीकाको भ्रमण गर्ने पक्का

काठमाडौं । भारतीय क्रिकेट टिमले दक्षिण अफ्रीकाको भ्रमण गर्ने भएको छ ।

भारतीय टोलीले टेस्ट र एकदिवसीय सिरिजका लागि दक्षिण अफ्रीकाको भ्रमण गर्ने भएको हो ।

दक्षिण अफ्रीकाले क्रिकेटले सिरिजको खेल तालिका समेत सार्वजनिक गरेको छ ।

भारतले भ्रमण दौरान घरेलु टोलीसँग तीन खेलको टेस्ट र तीन एकदिवसीय सिरिज खेल्नेछ ।

यस अघि दुई टोलीबीच टी-ट्वान्टी सिरिज समेत हुने बताईएको थियो । तर, उक्त टी-ट्वान्टी सिरिज भने फरक मितिमा हुनेछ ।

विश्व टेस्ट च्याम्पियनसिप अन्तर्गतको टेस्ट सिरिज डिसेम्बर २६ मा सुरु हुनेछ ।

एकदिवसीय सिरिज भने जनवरी १९ मा सुरु हुने तालिका रहेको छ ।