भारतलाई न्यूजिल्यान्डविरुद्धको सिरिज

काठमाडौं । भारतले न्यूजिल्यान्डविरुद्धको दुई टेस्ट क्रिकेटको सिरिज १–० ले जितेको छ । 

मुम्बईमा भएको दोस्रो टेस्टमा न्यूजिल्यान्डलाई ३ सय ७२ रनको फराकिलो अन्तरले पराजित गर्दै भारतले सिरिज जितेको हो । 

पहिलो टेस्ट बराबरीमा सकिएको थियो । 

दोस्रो इनिङ्समा जितका ५ सय ४० रनको लक्ष्य पछ्याएको न्यूजिल्यान्ड केवल १ सय ६७ रनमा अलआउट भयो । 

न्यूजिल्यान्डका लागि डेरिल मिचेलले सर्वाधिक ६० तथा हेनरी निकोल्सले ४४ रन जोडे ।

न्यूजिल्यान्डलाई सस्तैमा समेट्न रविचन्द्रन आश्विन र जयन्त यादवले समान चार–चार विकेट हात पारे । अक्सर पटेलले एक विकेट लिए । 

यस अघि भारतले पहिले ब्याटिङ गर्दै पहिलो इनिङ्समा ३ सय २५ रन जोडेको थियो । 

उसका लागि मयन्क अग्रवालले १ सय ५० रनको योगदान गरे । अक्सर पटेलले ५२ रन जोडे ।

न्यूजिल्यान्डका अजाज पटेल एक्लैले १० विकेट लिएका थिए । 

तर जवाफमा न्यूजिल्यान्डले पहिलो इनिङ्समा केवल ६२ रन मात्र जोड्न सकेको थियो । 

न्यूजिल्यान्डका लागि कायल जामिसनले सर्वाधिक १७ रन जोडेका थिए । 

भारतका रविचन्द्रन आश्विनले पहिलो इनिङ्समा पनि न्यूजिल्यान्डका चार खेलाडीलाई आउट गरेका थिए । उनी प्लेयर अफ द सिरिजको अवार्ड जिते । 

मोहम्मद सिराजले ३ विकेट हात पारे । 

दोस्रो इनिङ्समा भारतले ७ विकेट गुमाउदै २ सय ७६ रन जोड्दै न्यूजिल्यान्डसामु ५ सय ४० रनको लक्ष्य प्रस्तुत गरेको थियो । 

भारतका प्लेयर अफ द म्याच बनेका मयन्क अग्रवालले सर्वाधिक ६२ रन जोडेका थिए । 

न्यूजिल्यान्डका अजाज पटेलले दोस्रो इनिङ्समा चार विकेट हात पारेका थिए । 

रचिम रविन्द्रले ३ विकेट लिए ।