काठमाडौ । वाई–वाई यु–१९ पुरुष राष्ट्रिय क्रिकेट प्रतियोगिताको फाइनल आईतबार टियु क्रिकेट मैदानमा हुँदैछ ।
फाइनलमा लुम्बिनी प्रदेशले सुदुरपश्चिम प्रदेशको सामना गर्नेछ ।
राउन्ड रोविन आधारमा भएको प्रतियोगितामा सात प्रदेशले सहभागिता जनाएका थिए ।
जसमध्ये लुम्बिनी प्रदेशले ६ मध्ये ५ खेल जित्दै अंक तालिकाको शीर्षस्थानमा रहेर फाइनल प्रवेश गरेको थियो ।
यता सुदुरपश्चिमले ६ मध्ये ४ खेलमा जित हात पार्दै तालिकाको दोस्रो स्थानमा रहदै लुम्बिनीसँगको फाइनल भिड्न्त पक्का गरेको थियो ।
लुम्बिनीले पहिलो खेलमा गण्डकी प्रदेशलाई ९ विकेटले पराजित गरेको थियो तर दोस्रो खेल कर्णालीविरुद्ध १ सय ४० रनले हारेको थियो ।
तेस्रो खेलमा पुनरागमन गर्दै सुदुरपश्चिमविरुद्ध २ विकेटले पराजित गर्यो ।
चौथो खेलमा बागमती प्रदेशलाई ३ विकेटले पराजित गरेको लुम्बिनीले पाँचौ खेल प्रदेश नं. १ विरुद्धमाथि ६ विकेटको जित दर्ता गरेको थियो ।
राउन्ड रोविनको अन्तिम खेलमा प्रदेश नं. २ लाई ९ विकेटले पराजित गरेको थियो ।
सुदुरपश्चिमले भने पहिलो खेल प्रदेश २ विरुद्ध २ विकेटले तथा दोस्रो खेल लुम्बिनी प्रदेशविरुद्ध पनि २ विकेटले पराजित भएको थियो ।
तर सुदुरपश्चिमले तेस्रो खेलमा कर्णाली प्रदेशमाथि १० विकेटको जित निकाल्दै खेलमा पुनरागमन गर्न सफल भएको थियो ।
चौथो खेल गण्डकी प्रदेशविरुद्ध ४ विकेटले जितेको सुदुरपश्चिमले पाँचौ खेलमा प्रदेश १ लाई ६ विकेटले पराजित गरेको थियो ।
छैठौ तथा अन्तिम खेलमा बागमती प्रदेशलाई ८ विकेटले हराउदै सुदुरपश्चिमले फाइनलको यात्रा तय गरेको थियो ।
-1737558619.JPG)
-1737554261.JPG)
