काठमाडौं । सुदुरपश्चिम प्रदेश वाई–वाई यु–१९ पुरुष राष्ट्रिय क्रिकेट प्रतियोगिताको फाइनलमा प्रवेश गरेको छ ।
टियु क्रिकेट मैदानमा बागमती प्रदेशले ८ विकेटले पराजित गर्दै सुदुरपश्चिम फाइनलमा प्रवेश गरेको हो ।
अब सुदुरपश्चिमले आईतबार हुने फाइनलमा लुम्बिनी प्रदेशको सामना गर्नेछ ।
लुम्बिनी भने यसअघि नै ६ मध्ये ५ खेल जित्दै फाइनलमा प्रवेश गरिसकेको थियो ।
सुदुरपश्चिमले ६ मध्ये ४ खेल जित्दै फाइनलमा प्रवेश गरेको हो ।
फाइनल प्रवेशका चाहिएको ९६ रनको लक्ष्य सुदुरपश्चिमले ३२ दशमलब १ ओभरमा दुई विकेट गुमाएर पुरा गर्यो ।
सुदुरपश्चिमका लागि नरेन भट्टले अविजित ३७ र राहुल भण्डारीले अविजित रनको योगदान गरे ।
बागमतीका गौतम केसी र प्रतिश जिसीले एक–एक विकेट हात पारे ।
यस अघि पहिले ब्याटिङ गर्ने निम्तो पाएको बागमतीले ३० दशमलब १ ओभरमा अलआउट हुदै ९५ रन जोडेको थियो ।
बागमतीका लागि विवेक मगरले सर्वाधिक ३२ रन जोडे ।
क्रिस कार्कीले १७ रनको योगदान गरे ।
बागमती प्रदेशलाई सस्तैमा समेट्न सुदुरपश्चिमका हेमन्त धामीले सर्वाधिक ५ विकेट हात पारे ।
हेमन्तले १० ओभर बलिङ गर्दै केवल १९ रन खर्चिए । उनले ५ मेडल ओभर फालेका थिए ।
शेर मल्लले ४ विकेट हात पारे ।
-1737558619.JPG)
-1737554261.JPG)
