काठमाडौं । नेपाली राष्ट्रिय पुरुष भलिबल टिमलाई प्रशिक्षण दिन नेदरल्याण्ड्सका प्रशिक्षक हान एबिङ नेपाल आईपुगेका छन् ।
प्रशिक्षक एबिङ बिहीबार अपरान्ह नेपाल आईपुगेका हुन् ।
एसियन सेन्ट्रल जोन पुरुष तथा महिला भलिबल प्रतियोगिताका लागि प्रशिक्षक एबिङ नेपाल आएका हुन् ।
'एबिङ आज नेपाल आउनु भएको छ । सेन्ट्रल जोनसम्मका लागि उहाँ आउनु भएको हो,' महिला टिमका मुख्य प्रशिक्षक जगदीश भट्टले खेलपाटीसँग भने ।
अन्तराष्ट्रिय भलिबल महासंघ (एफआईभीभी) को सहयोगमा एबिङ नेपाल आएका हुन् ।
बंगलादेशको ढाकामा आयोजना हुने प्रतियोगिता आगामी डिसेम्बर २१ देखि २९ सम्म हुनेछ ।
प्रतियोगिताका लागि पुरुष टिमले शुक्रबारबाट प्रशिक्षण गर्ने छन् । नेपाल भलिबल संघले प्रशिक्षणका लागि २० खेलाडीलाई बोलाएको छ ।
