काठमाडौं । नेपाली राष्ट्रिय महिला भलिबल टोलीको प्रशिक्षण आज (आइतबार) बाट सुरु हुँदैछ ।
नेपाल भलिबल संघले महिला टोलीको प्रशिक्षण आइतबारबाट सुरु हुने जनाएको छ ।
त्रिपुरेश्वरस्थित राखेप कभर्ड हलमा अपरान्ह २ बजेबाट महिला टोलीको प्रशिक्षण सुरु हुनेछ ।
प्रशिक्षणका लागि संघले २० खेलाडीलाई बोलाएको छ ।
एसियन सेन्ट्रल जोन पुरुष तथा महिला भलिबल प्रतियोगिताका लागि महिला टोलीले तयारी थाल्न लागेको हो ।
महिला टोलीले प्रशिक्षक जगदिश भट्ट र भरत यादवको नेतृत्वमा तयारी गर्नेछन् ।
बंगलादेशको ढाकामा आयोजना हुने प्रतियोगिता आगामी डिसेम्बर २१ देखि २९ सम्म हुनेछ ।
नेपाली महिला टोलीले २०१९ को सेन्ट्रल जोनको उपाधि जितेको थियो ।
संघले पुरुष टिमको प्रशिक्षण भने केहि दिनपछि सुरु गर्ने जनाएको छ ।
